قوباد تاڵەبانی و باڵیۆزی ئەرمینا جەخت لە پەرەپێدانی پەیوەندییەکانی نێوان هەردوولا دەکەنەوە

راگەیاندنی جێگری سەرۆکوەزیران

قوباد تاڵەبانی و رۆبین سۆگۆیان باڵیۆزی ئەرمینا لە عیراق

قوباد تاڵەبانی جێگری سەرۆکوەزیرانی هەرێمی کوردستان پێشوازی کرد لە رۆبین سۆگۆیان، باڵیۆزی ئەرمینیا لە عیراق و لە دیدارێکیشدا باسیان لە پتەوکردنی پەیوەندییەکانی نێوان هەرێمی کوردستان و ئەرمینیا کرد.

 قوباد تاڵەبانی لە پەڕەی رەسمی خۆی لە پلاتفۆڕمی لەفەیسبووک رایگەیاند: لەگەڵ رۆبین سۆگۆیان، باڵیۆزی ئەرمینیا لە عیراق باسمان لە پێویستیی کاری هاوبەش کرد بۆ پەرەپێدانی پەیوەندییەکانی نێوان هەردوولا بە تایبەتیش لە بوارەکانی بازرگانی و کلتووریدا.

 ئاماژەی بەوەشکرد: هاوڕابووین مێژوویەکی دوور و درێژی پێکەوەژیانی هەردوو گەلی کورد و ئەرمەنی دەتوانێت دەروازەیەکی گرنگ بێت بۆ پەرەپێدانی هاوکاری و پەیوەندیی بازرگانی و کلتووری لە نێوان هەرێمی کوردستان و ئەرمینیا لەم قۆناغەدا.

PUKMEDIA