عیراق پێشوازی لە دانوستانی ئێران و ئەمریکا دەکات

وەزارەتی دەرەوە

بینای وەزارەتی دەرەوەی عیراق

وەزارەتی دەرەوەی عیراق لە راگەیەندراوێکدا پێشوازی لە دانوستانەکانی نێوان ئێران و ئەمریکا لە مەسقەت کردووە و ئەم گفتووگۆیانەی بە هەنگاوێکی ئەرێنی بۆ کەمکردنەوەی دۆخی گرژی و کردنەوەی دەرگای گفتووگۆ ناساندووە.

وەزارەتەکە لە راگەیەندراوێکیدا جەختی لەسەر پشتیوانیکردنی هەموو هەوڵێک کردووەتەوە کە ئامانجی کەمکردنەوەی گرژییەکان و جێگیرکردنی سەقامگیری لە ناوچەکە بێت.

لە کۆتایشدا، وەزارەتی دەرەوە ستایشی رۆڵی دەسەڵاتدارانی  عومانی کرد لە میوانداریکردنی ئەم دانووستانانە.

ئەمەش لەکاتێکدایە ، دوای ڕاگرتنی گفتوگۆکانی نێوان ئێران و ئەمریکا، ئەمڕۆ 6ی2ی2026، گەڕێکی دیکەی دانوستاندنەکانی نێوان ئەو دوو وڵاتە لە مەسقەتی پایتەختی عومان بەڕێوە چوو.

PUKMEDIA