عەباس عیراقچی: رەوشی گفتوگۆکان باش و ئەرێنی بوون

میدیاکان

عەباس عێراقچی وەزیری دەرەوەی ئێران

وەزیری دەرەوەی ئێران لەبارەی گفتوگۆکانی نێوان وەفدی ئەمریکا و ئێران لە مەسقەت رایگەیاند: گفتوگۆکان ئەرێنی بوون، دەتوانم بڵێم سەرەتایەکی باشە، ئاشکراشی کرد، دانوستانەکان بەردەوام دەبن.

عەباس عیراقچی، وەزیری دەرەوەی ئێران لە بارەی رەوشی دانوستانی ئەمڕۆی نێوان وڵاتەکەی و ئەمریکا، رایگەیاند:  رەوشی گفتوگان باش و ئەرێنی بوون ، هەروەها دانوستانکاران بۆ راوێژکردن دەگەڕێنەوە وڵاتەکانیان.
ئاشکراشی کرد: رێکەوتووین لەسەر درێژەدان بە دانوستانەکان، لە چەند رۆژی داهاتووشدا وادە و شوێنی دانیشتنی داهاتوو دیاری دەکەین.


وەزیری دەرەوەی ئێران ، ئاماژەی بەوەشکردووە: دوای هەشت مانگی پڕ لە گێژاو، پرۆسەی گفتوگۆ دەستی پێکردووە و ئاڵنگاری گەورەمان بێمتمانەییە.

عێراقچی ڕاشیگەیاند: ئەمڕۆ چەند خولێکی کۆبوونەوە ئەنجام درا، دید و نیگەرانییەکانمان گەیاندرا، بابەتەکان لە کەشێکی زۆر باشدا گەیەنران، بە گشتی سەرەتایەکی باش بوو، بەڵام بەردەوامییەکەی پەیوەستە بە ڕاوێژکردن لە پایتەختەکان.

ئەمەش لەکاتێکدایە ، دوای ڕاگرتنی گفتوگۆکانی نێوان ئێران و ئەمریکا، ئەمڕۆ 6ی2ی2026، گەڕێکی دیکەی دانوستاندنەکانی نێوان ئەو دوو وڵاتە لە مەسقەتی پایتەختی عومان بەڕێوە چوو.

PUKMEDIA