ژنە کوردێک دەبێتە وەزیری بەرگری هۆڵەندا

میدیاکان

دیلان یەشیلگۆز سیاسەتمەداری کورد

 سیاسەتمەدار و ژنە کوردێک لە حکومەتی نوێی هۆڵەندا، پۆستی جێگری سەرۆکوەزیران و وەزیری بەرگری وەردەگرێت و لیستی کابینەکەش بڵاودەکاتەوە.

دیلان یەشیلگۆز سیاسەتمەداری کورد و سەرۆکی پارتی گەل بۆ ئازادی و دیموکراسی (VVD) ڕایگەیاند، وەک جێگری سەرۆکوەزیران و وەزیری بەرگری لە کابینەی نوێی حکومەتدا دەستبەکار دەبێت.

دیلان لە پلاتفۆرمی ئێکس، لیستی دابەشکردنی وەزارەت و بریکارەکانی وەزارەتەکانی بڵاوکردەوە، کە پێکهێنەرانی حکومەت لەسەری رێککەوتون.

دیلان یەشیلگۆز، خەڵکی باکوری کوردستانە و ساڵی 1977 لە شاری ئانکەرە لە دایکبووە و بەرەچەڵەک خەڵکی شاری دێرسیمە.
 دیلان منداڵ دەبێت ساڵی 1984 لەگەڵ خێزانەکەی بۆ  هۆڵەندا کۆچ دەکەن و لەوێ لە زانکۆی ئەمستەردام بڕوانامەی لە زانستی کۆمەڵایەتی و کولتوری بەدەستهێناوە، هەر لە سەرەتای ژیانی سیاسییەوە، پەیوەندی بە پارتی گەل بۆ ئازادی و دیموکراسییەوە کردووە، لەکابینەی پێشووی حکومەتدا، وەزیری دادی هۆڵەندا بووە.

PUKMEDIA