وابڕیارە وەزیری دەرەوەی فەرەنسا لەگەڵ مەزڵوم عەبدی کۆببێتەوە

ئاژانسەکان

وەزیری دەرەوەی فەرەنسا

وابڕیارە وەزیری دەرەوەی فەرەنسا بە گەشتێکی دیپلۆماسی سەردانی هەرێمی کوردستان و بەغداد بکات و تەوەری سەرەکی سەردانەکەی کۆبونەوەیەتی لەگەڵ فەرماندەی گشتی هەسەدە و گفتوگۆ لەبارەی رێککەوتنی دیمەشق و هەسەدە.

بڕیارە ئەمڕۆ پێنجشەممە 5-1-2026، جان نویل بارۆت، وەزیری دەرەوەی فەرەنسا، گەشتێکی دیپلۆماسی بۆ ناوچەکە ئەنجام بدات کە بەغداد و هەرێمی کوردستان دەگرێتەوە و تەوەرە سەرەکییەکانی سەردانەکەی بریتین لەوەی لەگەڵ مەزڵوم عەبدی فەرماندەی گشتی (هەسەدە) کۆدەبێتەوە بۆ تاوتوێکردنی رێککەوتنی ئەم دواییەی نێوان دیمەشق و هێزەکانی سوریای دیموکرات.

جان نویل بارۆت ئاماژەی بەوە کردووە: ئەم رێککەوتنە بۆ فەرەنسا گرنگە، چونکە هەم بەرژەوەندییە ئەمنییەکانی فەرەنسا دەپارێزێت و هەم ئاسایشی زیندانەکانی باکووری رۆژهەڵاتی سوریا مسۆگەر دەکات.

فەرەنسا جەخت دەکاتەوە کە دەبێت رێککەوتنەکە وەک خۆی جێبەجێ بکرێت تاوەکو مافە ئەمنی و سیاسییەکانی کورد لە سوریا پارێزراو بن.

PUKMEDIA