شایستەی دارایی كارمەندانی كۆمسیۆن دابەشدەكرێت

PUKMEDIA

کارمەندی کۆمسیۆن

وتەبێژی کۆمسیۆنی باڵای سەربەخۆی هەڵبژاردنەکانی عیراق رایدەگەیەنێت دەستیان بە دابەشکردنی شایستەی کارمەندانی سەر سندوق کردووە و دووپاتیشی دەکاتەوە لە رێگای ماستەرکاردەوە دابەشدەکرێت و تاوەکو ئێستا کارتی حەوت پارێزگا گەڕاوەتەوە.

جومانە غەلای، وتەبێژی کۆمیسیۆنی هەڵبژاردنەکانی عیراق، لە ڕاگەیەندراوێكدا ، ئاماژەی بەوەکرد: کۆمیسیۆنی هەڵبژاردنەکان دەستی بە دابەشکردنی شایستەی کارمەندانی دەنگدان کردووە، کە لە ڕێگەی دابەشکردنی کارتەکانی (ماستەرکارد) بەسەر نوسینگەی پارێزگاکاندا دەبێت و بە شێوەیەکی قۆناغ قۆناغ دابەش دەکرێت.

راشیگەیاند: شایستەی دارایی کارمەندان بە هەماهەنگی لەگەڵ وەزارەتی دارایی/ بانکی ڕافیدەین دابەش دەکرێت.

وتەبێژی کۆمسیۆن لە بارەی ئەو پارێزگایانەی کارتەکانیان بۆ گەڕاوەتەوە، ئاشکرای کرد: تا ئێستا کارتەکان بۆ حەوت پارێزگای هەڵبژاردن نێردراون کە بریتین لە کەرکوک، دهۆک، بەسرە، بابل، هەولێر، میسان و نەجەف.

 لە کۆتایشدا، جومانە غەلای، وتەبێژی کۆمیسیۆنی هەڵبژاردنەکانی عیراق ،دووپاتی کردەوە:کۆمیسیۆن بەردەوام دەبێت لە ڕادەستکردنی کارتەکان بە نوسینگەکانی دیکەی هەڵبژاردن، و دواتر پارەی تەرخانکراو دەخرێتە سەر کارتەکان بە مەبەستی دابەشکردنی شایستە داراییەکان.

PUKMEDIA