سەرۆک بافڵ و چوارچێوەی هەماهەنگی: حکومەتێکی خزمەتگوزار پێکبهێنرێت

راگەیاندنی سەرۆکی یەکێتی

کۆبوونەوەی یەکێتی و وەفدی باڵای چوارچێوەی هەماهەنگی

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە وەفدی باڵای چوارچێوەی هەماهەنگی کرد کە پێکهاتبوون لە بەڕێزان محەمەد شیاع سودانی، هادی عامری، موحسین مەندەلاوی و عەباس رازی.

لە کۆبوونەوەکەدا کە رەفعەت عەبدوڵا، جێگری سەرۆکی یەکێتی، شاڵاو کۆسرەت رەسوڵ و د. هاوڕێ شێخ دارۆ، ئەندامی مەکتەبی سیاسی ئامادەبوون، گۆڕانکارییە سیاسییەکان لەسەر ئاستی عیراق و ناوچەکە تاوتوێکرا و تێپەڕاندنی ئاڵنگارییەکان بە گرنگ زانرا.

پێکهێنانی حکومەتی نوێی عیراق و هەڵبژاردنی سەرۆککۆمار خرایەبەر باس و جەخت لە پابەندبوون بە وادەی دەستووری بۆ تەواوکردنی رێکارەکان و گەیشتن بە حکومەتێکی خزمەتگوزار کرایەوە.

PUKMEDIA