پرسی سەرۆككۆمار سەرۆكی پەرلەمان و فراكسیۆنەكان كۆدەكاتەوە

راگەیاندنی ئەنجومەنى نوێنەرانى عیراق

كۆبوونەوەی سەرۆكی پەرلەمان و سەرۆكی فراكسیۆنەكان

سەرۆكایەتی پەرلەمانی عیراق جەخت لەپابەندبوون بەوادە دەستورییەكان دەكاتەوە بۆ هەڵبژاردنی سەرۆككۆمار، بۆ ئەو مەبەستەش سەرۆكی پەرلەمان لەگەڵ سەرۆكی فراكسیۆنەكان كۆدەبێتەوە. 

فەرمانگەی راگەیاندنی ئەنجومەنی نوێنەرانی عیراق بڵاویكردەوە: ئەمڕۆ یەكشەممە 1ی 2ی 2026، سەرۆكی پەرلەمانی عیراق لەگەڵ سەرۆكی فراكسیۆنەكانی پەرلەمان كۆدەبێتەوە، بەمەبەستی یەكلاییكردنەوەی هەڵبژاردنی پۆستی سەرۆككۆمارو دیاریكردنی دوا وادە بۆ هەڵبژاردنی.

راشیگەیاندووە: سەرۆكایەتی پەرلەمان جەخت لەپابەندبوون بە وادە دەستورییەكان دەكاتەوە بۆ هەڵبژاردنی سەرۆككۆمار.

ئەمەش لەكاتێكدایە، بڕیار بوو ئەمڕۆ 1ی 2ی  2026، ئەنجومەنی نوێنەرانی عیراق دانیشتنێكی تایبەت بە هەڵبژاردنی سەرۆككۆمار سازبكات، بەڵام وەك فەرمانگەی راگەیاندنی پەرلەمان بڵاویكردەوە، بەهۆی ئامادەنەبوونی رێژەی یاساییەوە، دانیشتنەكە دواخرا.

PUKMEDIA