ناوەڕۆکی پرۆژەیاسای پاراستنی کورد بڵاودەکرێتەوە

میدیاکان

ليندسی گراهام سيناتۆری کۆمارييەکان و

ليندسی گراهام سيناتۆری کۆمارييەکان و ڕيچارد بلومێنتاڵ سيناتۆری ديموکراتەکان پڕۆژە ياسايەکيان لەژێر ناونيشانی (ياسای پاراستنی کوردەکان) پێشکەشی ئەنجومەنی پيرانی ئەمريکا کرد، کە سزا بەسەر حکومەتی سوریا و هەرتاکێکی بیانیدا دەسەپێنێت کە هێرش بکاتە سەر کوردانی رۆژئاڤا.

ناوەڕۆکی پڕۆژەياسای پاراستنی کورد لە ئەنجوومەنی پيران:
سەپاندی سزا بەسەر بەرپرسانی حکومەتی سووریا و دامەزراوە داراییەکان و هەر تاکێکی بیانی کە مامەڵەی سەربازی و دارایی لەگەڵ حکومەتی سوریا ئەنجام بدات.

داننان بە هاوکاريکردنی هێزەکانی سوريای ديموکرات لەگەڵ ئەمريکا بۆ نەهێشتنی داعش.

دەستەی تەحريری شام وەک ڕێکخراوی تيرۆریستیی بيانی دەناسێنێتەوە.

پێداچوونەوەی کۆنگرێس بە لابردنی دەستنيشانکردنی سوريا وەک دەوڵەتێکی سپۆنسەری تيرۆر.

پێویستە ترەمپ دەستبەجێ سەرجەم سزاکان بسەپێنێتەوە بەسەر حکومەتی سوريادا ئەگەر هێرشەکانی بۆ سەر هەسەدە ڕانەگرێت.

دەسەڵات دەدرێتە سەرۆک بۆ ڕاگرتنی سزاکان ئەگەر حکومەتی سوريا سەرجەم هێرشەکانی بۆ سەر هەسەدە ڕابگرێت.

ئەمەش لەکاتێکدایە،هێرشە بەردەوامەکان بۆ سەر رۆژئاڤا نەک تەنیا هەڕەشە لە سەقامگیری ناوچەکە دەکات، بەڵکو  سەلامەتی سەربازانی ئەمریکا و پەیوەندییەکانی ئەمریکا لەگەڵ حکومەتی نوێی سوریاش دەخاتە مەترسييەوە،هەروەها مەترسیی سەرهەڵدانەوەی داعشيشی لەسەرە.

PUKMEDIA