پرۆژە یاسای پاراستنی کورد پێشکەشی کۆنگرێس کرا

PUKMEDIA

دەنگدان بە پرۆژە یاسەکە

لیندزی گراهام سیناتۆری دیاری ئەمریکا بە رەسمی پرۆژەیاسای پاراستنی کوردی پێشکەشی کۆنگرێس کرد و چاوەڕوانیش دەکرێت پشتگیرییەکی فراوانی لێبکرێت.

لیندزی گراهام چەندین جار لە پلاتفۆڕمی ئێکس دووپاتی کردووەتەوە، هێزەکانی سووریای دیموکرات  قوربانیی زۆریان داوە لە تێکشکاندنی داعش لە ماوەی خولی یەکەمی سەرۆکایەتیی دۆناڵد ترەمپدا. 

گراهام ئاماژەی بەوەشدەکات ، سەرەڕای ئاڵۆزییە کەلتووری و سیاسییەکانی ناو سوریا، بەڵام هەر جۆرە هێرشێک بۆ سەر کوردەکان دەبێتە هۆی لاوازبوونی پێگەی نێودەوڵەتیی ئەمریکا و ڕێگری لە گەشەکردنی سوریا وەک دەوڵەت دەکات.
راشیگەیاندووە: ئەگەر لەم کاتەدا دەستبەرداری کورد ببین، ئەوە هەڵەیەکی ستراتیژییە و زیانی گەورە لە ئەمریکا دەدات و لەوە کارەساتبارتر دەبێت کە لە بەنغازی روویدا.

ئەم پڕۆژەیاسایە هۆشدارییەکی ڕاستەوخۆ و توندە بۆ هەموو ئەو وڵات و گروپانەی وا بیر دەکەنەوە کە دەتوانن بێ سزا و لێپرسینەوە هێرش بکەنە سەر کوردان لە رۆژئاڤا، ئەمە جگە لەوەی بە تێپەڕاندنی کورد بە تەواوی لە هەر هێرشێکی دەرەکی و ناوخۆیی دەپارێزێت.

PUKMEDIA