سەرۆک بافڵ: حکومەتێکی نیشتمانیی خزمەتگوزار پێکبهێنرێت

راگەیاندنی سەرۆکی یەکێتی

سەرۆک بافڵ و باڵیۆزی بەریتانیا لە عیراق

بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغداد پێشوازی لە عیرفان سدیق، باڵیۆزی بەریتانیا لە عیراق کرد.

لە دیدارێکدا کە قوباد تاڵەبانی،  دەرباز کۆسرەت رەسوڵ، ئەندامانی مەکتەبی سیاسی  ئامادەیبوون، دۆخی گشتی عیراق و ناوچەکە تاوتوێکرا و جەخت لە چارەسەرکردنی ئاشتییانەی کێشەکان کرایەوە.

پەیوەست بە پێکهێنانی حکومەتی نوێی عیراق، سەرۆک بافڵ وتی، یەکێتی هەموو هەوڵەکانی لە چوارچێوەی گەیشتنە بە حکومەتێکی نیشتمانیی خزمەتگوزار کە وەڵامدەرەوەی خواستی خەڵکە خۆشەویستەکەمان بێت.

سەرۆکی یەکێتیی نیشتمانیی کوردستان جەختی لە پابەندبوون بە وادەی دەستووری بۆ تەواوکردنی رێکارەکان و هەڵبژاردنی سەرۆککۆمار کردەوە و رایگەیاند، داوامانکردووە رۆژی یەکشەممەی داهاتوو دانیشتنی پەیوەست بەم پرسە بەڕێوەبچێت.

PUKMEDIA