قوباد تاڵەبانی و فوئاد حسێن: رێککەوتن لەم دۆخەدا گرنگە

تایبەت

قوباد تاڵەبانی و فوئاد حسێن

قوباد تاڵەبانی جێگری سەرۆک وەزیرانی هەرێمی کوردستان و دکتۆر فوئاد حسێن وەزیری دەرەوەی عیراق لەبەغدا کۆبوونەوە و هەردوولا هاوڕابوون لەسەر گرنگی رێککەوتن لەبارەی تەواوی بابەتەکان و تێپەڕاندنی ئەم دۆخە.

کۆبوونەوەکە کە ئێوارەی ئەمڕۆ بەڕێوەچوو، تایبەت بوو بە گفتوگۆکردن لەبارەی دواپێشهاتە سیاسیەکان و پرسی پێکهێنانی هەردوو حکومەتی عیراق و هەرێمی کوردستان و بەتایبەت بابەتی هەڵبژاردنی سەرۆک کۆماری عیراق.

هەردوولا هاوڕابوون لەسەر پێویستی رێککەوتن لەبارەی تەواوی بابەتەکان و تێپەڕاندنی ئەم دۆخە چەقبەستووە، بڕیاریش درا کە گفتوگۆکان بەردەوام بن بەمەبەستی گەیشتن بەدەرئەنجامێکی گونجاو.

PUKMEDIA