سەرۆک بافڵ پێشوازی لە کاندیدکردنی نوری مالیکی دەکات

راگەیاندنی سەرۆکی یەکێتی

سەرۆک بافڵ و نوری مالیکی

بافڵ جەلال تاڵەبانی سەرۆکی یەکێتیی نیشتمانیی کوردستان لە پەیامێکیدا پێشوازی لە کاندیدکردنی نوری مالیکی دەکات و جەخت لە هاریکاری و هەماهەنگی زیاتر لەنێوان لایەنە سیاسییەکان دەکەینەوە لە پێناو پاراستنی سەقامگیری و گەیشتن بەحکومەتێکی بەهێزی خزمەتگوزار.

دەقی پەیامەکەی سەرۆک بافڵ:

پێشوازی لە کاندیدکردنی بەڕێز نوری مالکی لەلایەن چوارچێوەی هەماهەنگییەوە بۆ پۆستی سەرۆکوەزیرانی عیراق دەکەین. ھیوادارین ئەم ھەنگاوە پرۆسەی تەواوکردنی رێکارە دەستووری و یاساییەکان بۆ پێکھێنانی حکومەتی نوێ خێراتر بکات.

جەخت لە هاریکاری و هەماهەنگی زیاتر لەنێوان لایەنە سیاسییەکان دەکەینەوە لە پێناو پاراستنی سەقامگیری و گەیشتن بەحکومەتێکی بەهێزی خزمەتگوزار، کە رەنگدانەوەی واقیعی ئەمڕۆی وڵاتەکەمان و هێنانەدی خواستی خەڵکەکەمان بێت.

بافڵ جەلال تاڵەبانی
سەرۆکی یەکێتیی نیشتمانیی کوردستان

PUKMEDIA