ئەنجومەنی نوێنەران بۆ هەڵبژاردنی سەرۆككۆمار كۆدەبێتەوە

راگەیاندنی ئەنجومەنی نوێنەرانی عیراق

ئەنجومەنى نوێنەرانى عیراق

بڕیارە رۆژی سێ شەممە، ئەنجومەنی نوێنەرانی عیراق بۆ هەڵبژاردنی سەرۆككۆماری عیراق كۆببێتەوە.

لەوبارەیەوە، د. بڕیار رەشید، ئەندامی ئەنجومەنی نوێنەرانی عیراق، لەفراكسیۆنی یەكێتی، بەوێبسایتی رەسمی یەكێتیی نیشتمانیی كوردستان  PUKMEDIA ی راگەیاند: بڕیارە رۆژی سێ شەممە 27ی 1ی 2026، ئەنجومەنی نوێنەران بۆ هەڵبژاردنی سەرۆككۆماری عیراق كۆببێتەوە.

لەلایەكی دیكەشەوە هەیبەت حەلبوسی، سەرۆكی ئەنجومەنی نوێنەرانی عیراق پشتڕاستی كردەوە كە هەمان رۆژ ئەنجومەنەكە كۆدەبێتەوەو سەرۆككۆماری عیراق هەڵدەبژێرێت.

جێی ئاماژەیە، پۆستی سەرۆككۆمار لەعیراقدا پشكی كوردەو لەناو كوردیشدا پشكی یەكێتیی نیشتمانیی كوردستانە، بۆ ئەو مەبەستەش یەكێتی نزار ئامێدی بۆ ئەو پۆستە كاندید كردووە، كەسایەتییەكی سیاسی و حكومی و دیپلۆماسی عیراقەو زیاتر لەچوار دەیەیە بەردەوامە لەخزمەتكردنی گشتیی و ئەزمونی لەزۆر بواری بەڕێوەبردندا هەیە، لەوانە، كاركردن لەپۆستە باڵاكانی عیراق، راوێژكاری پلە باڵا لەسێ خولی سەرۆكایەتی كۆماری عیراق و وەزیری ژینگە.

PUKMEDIA