سەرۆك بافڵ: یەكێتی پشتیوانی لەپاراستنی دەستوورو مافی نەتەوەو پێكهاتەكان دەكات

PUKMEDIA

بافڵ جەلال تاڵەبانی سەرۆكی یەكیتی

بافڵ جەلال تاڵەبانی، سەرۆكی یەكێتیی نیشتمانیی كوردستان، بەبۆنەی رۆژی دادی عیراقەوە پیرۆزبایی ئاڕاستەی دەسەڵاتی دادوەری و سەرۆكی ئەنجوومەنی باڵای دادوەریی عیراق  دەكات و رایدەگەیەنێت: یەكێتی پشتیوانی تەواو لەهەوڵەكانتان دەكات بۆ پاراستنی دەستوور و مافی هەموو نەتەوەو پێكهاتەكان.
 
دەقی پەیامەكە:

بەڕێز فایەق زێدان سەرۆكی ئەنجوومەنی باڵای دادوەریی عیراق 

بەبۆنەی رۆژی دادی عیراق، لە دڵەوە پیرۆزبایی گەرم لە جەنابتان و بەڕێزانمان لە دەسەڵاتی دادوەری و دامەزراوە یاساییەكان دەكەم و رۆڵی نیشتمانیتان لە بەرقەراركردن و سەروەری یاسا بەرزدەنرخێنين.

لەم رۆژەدا بەپێزانینەوە لە هەوڵەكانتان دەڕوانین بۆ چەسپاندنی بنەماكانی دادپەروەریی و سەربەخۆیی دەسەڵاتی دادوەری و لێكنزیكردنەوەی لایەنەكان و پاراستنی سەقامگیری وڵاتەكەمان .

ئێمە لە یەكێتی پشتیوانی تەواو لە هەوڵەكانتان دەكەین بۆ پاراستنی دەستوور و مافی هەموو نەتەوەو پێكهاتەكان.

بافڵ جەلال تاڵەبانی 
سەرۆكی یەكیتیی نیشتمانیی كوردستان

PUKMEDIA