جوتیارانی هه‌رێم هه‌ژماری بانكیان بۆ ده‌كرێته‌وه‌

میدیاکان

وەرزی دروێنەی دانەوێڵە

وه‌زاره‌تی كشتوكاڵ ئاگادارییه‌كی تایبه‌ت به‌ تۆماركردنی ناوی جوتیارانی چێنه‌ری دانه‌وێڵه‌ی گه‌نم و كردنه‌وه‌ی هه‌ژماری بانكی راده‌گه‌یه‌نێت.

  وه‌زاره‌تی كشتوكاڵ و سه‌رچاوه‌ ئاوییه‌كانی  هه‌رێمی كوردستان له‌ راگه‌یه‌ندراوێكدا ئاماژه‌ بۆ ئه‌وه‌ده‌كات: له‌چوارچێوه‌ی ئاماده‌كارییه‌كانی تایبه‌ت به‌ رێكخستنه‌وه‌ی پلانی داچاندنی زستانه‌ به‌ تایبه‌تی دانه‌وێڵه‌ی گه‌نمی ساڵی 2025 -2026 ، هه‌روه‌ها به‌ ئامانجی چاره‌سه‌ركردنی كێشه‌كانی گواستنه‌وه‌ و وه‌رگرتنی شایسته‌ داراییه‌كانی جوتیاران به‌ شێوازی سیسته‌می بانكی، هه‌موو جوتیارێكی وه‌به‌رهێنه‌ری گه‌نم پێویسته‌ پابه‌ندی پڕ‌ۆسه‌ی بایۆمه‌تری جوتیارانی هه‌رێم UPN بن و رێكاره‌كانی كردنه‌وه‌ی هه‌ژماری بانكی ئه‌نجامبدەن، وه‌ك كارئاسانی و ده‌رفه‌ت پڕ‌ۆسه‌ی ناونوسینی جوتیاران تاوەكو 1ی3ی2026  درێژده‌كرێته‌وه‌ .

وه‌زاره‌تی كشتوكاڵ راشیگه‌یاندوه‌: ئه‌م رێكارانه‌ له‌رێگه‌ی به‌رێوه‌به‌رایه‌تی گشتی پلاندانان و به‌دواداچوون، به‌هه‌ماهه‌نگی به‌رێوه‌به‌رایه‌تی گشتی كشتوكاڵی پارێزگاكان و ئیداره‌ سه‌ربه‌خۆكان و فه‌رمانگه‌ كشتوكاڵییه‌كانه‌وه‌ به‌ڕێوه‌ده‌چێت بۆ تۆماركردن و كۆكردنه‌وه‌ی زانیاریه‌كانی تایبه‌ت به‌ هه‌ردوو فۆڕمی تۆماركردنی ناوی جوتیاران و فۆڕمی تۆماركردنی هه‌ژماری بانكی له‌سه‌ر ئاستی هه‌رێمی كوردستان .

PUKMEDIA