دەرباز کۆسرەت رەسوڵ: دەبێت گەرەنتی مافەکانی کورد لە سوریا بکرێت

PUKMEDIA

دەرباز کۆسرەت رەسوڵ و پاتریک دۆڕێل باڵیۆزی فەرەنسا لەعیراق

ئەمرۆ 14ی1ی2026 دەرباز کۆسرەت رەسوڵ، ئەندامی مەکتەبی سیاسی و لێپرسراوی مەکتەبی پەیوەندییەکانی یەکێتیی نیشتمانیی کوردستان،لە شاری هەولێر پێشوازیکرد لە پاتریک دۆڕێل باڵیۆزی فەرەنسا لەعیراق.

لەدیدارەکەدا، کە یان برێم، کونسوڵی گشتیی فەرەنسا لەهەرێمی کوردستان ئامادەی بوو، دۆخی گشتیی عیراق و ناوچەکە و ئاڵۆزییەکانی سوریا باسی لێوەکرا.

 دەرباز کۆسرەت رەسوڵ ڕایگەیاند: رووداوەکانی شێخ مەقسوود و ئەشرەفییە لە حەلەب جێگەی نیگەرانییە و یەکێتیی نیشتمانیی کوردستان لەگەڵ چارەسەرکردنی ئاشتیانەی ناکۆکییەکانە،  کورد پێکهاتەیەکی رەسەنی سوریایە و بەبێ جیاوازی دەبێت گەرەنتی مافەکانیان بکرێت.

باڵیۆزی فەرەنسا لە عیراق ئاماژەی بەوەدا کە پێداگری خۆیان بۆ جێبەجێکردنی تەواوی ڕێکەوتنی 10 ئادار دووپات دەکەنەوە، بۆ یەکگرتووی سوریا و سەقامگیری ناوچەکە.

هەردوولا هاوڕابوون لەوەی کە هەموو هەوڵێک بدرێت بۆ ئەوەی گرژی و ئاڵۆزییەکان نەمێنن و هەنگاوی جدی بۆ بەدیهێنانی سەقامگیری و ئاشتی بنرێت و مافی هەموو پێکهاتەکانی سوریا پارێزراو بێت.

پێکهێنانی حکومەتی هەرێم و عێراق تەوەرێکی تری گفتوگۆکان بوو جەخت لەسەر یەکڕێزی لایەنە کوردییەکان کرایەوە.

PUKMEDIA