عیراق 91 کەس دەستگیردەکات کە یارییان بەنرخی دۆلار کردووە

INA

کۆنگرەی رۆژنامەوانی وتەبێژی وەزارەتی ناوخۆی عیراق

وەزارەتی ناوخۆی عیراق ئاشکرای دەکات 91 کەسیان بە تۆمەتی یاریکردن بە نرخی دۆلار دەستگیر کردووە و چەند رێکارێکیش دەگرێتەبەر.

 میقداد میری وتەبێژی وەزارەتی ناوخۆی عیراق، لە کۆنگرەیەکی رۆژنامەوانیدا رایگەیاند: دەزگا ئەمنییەکان توانیویانە 91 کەس دەستگیر بکەن، کە یاریان بە نرخی دۆلار لە بازاڕەکان کردووە.

ئاماژەی بەوەشکردووە، وەزارەتی ناوخۆ توانیویەتی 147 کەسی دیکە دەستگیر بکات، کە یاریان بە نرخی کەلوپەلی خۆراکی کردووە.

لە کۆتایشدا، میقداد میری وتەبێژی وەزارەتی ناوخۆی عیراق، ئاشکرای کرد، وەزارەتەکەیان گرێبەستی دانانی 100 کامێرەی چاودێری لەگەڵ کۆمپانیاکان کردووە، بۆ ئەوەی لەسەر رێگا دەرەکییەکان جێگیر بکرێن.

 ئەمەش لەکاتێکدایە لە ماوەی دوو هەفتەی رابردوودا، نرخی دۆلار لە بازاڕەکانی هەرێمی کوردستان و عیراق بەرامبەر بە دینار هەڵکشانی بەخۆیەوە بینی و کە دواتر ناسەقامگیری لە نرخەکانی لێکەوتەوە.

PUKMEDIA