سەرۆک بافڵ: بنەمای پێکهێنانی حکومەت خزمەتکردنی زیاتری هاووڵاتیان بێت

راگەیاندنی سەرۆکی یەکێتی

سەرۆک بافڵ و هادی عامری

بافڵ جەلال تاڵەبانی، سەرۆکی یەکێتیی نیشتمانیی کوردستان و هادی عامری، سەرۆکی هاوپەیمانیی فەتح لە بەغداد کۆبوونەوە.

لە کۆبوونەوەکەدا رەفعەت عەبدوڵا، جێگری سەرۆکی یەکێتی، دەرباز کۆسرەت رەسوڵ، ئەندامی مەکتەبی سیاسی و خالید شوانی، وەزیری دادی عیراق ئامادەیبوون، دۆخی گشتیی عیراق و ناوچەکە خرایەبەر باس.

هەردوولا جەختیان لە خێراترکردنی هەنگاوەکانی پێکهێنانی حکومەتی نوێی عیراق و داڕشتنی پرۆژەیەکی نیشتمانی بۆ کارنامەی حکومەت کردەوە کە بنەماکەی خزمەتکردنی زیاتری هاوڵاتییان و پاراستنی بەرژەوەندییە باڵاکان بێت.

PUKMEDIA