سەرۆک بافڵ: یەکێتی ئامانجی پێکهێنانی حکومەتێکی خزمەتگوزارە

راگەیاندنی سەرۆکی یەکێتی

بافڵ جەلال تاڵەبانی و قەیس خەزعەلی

بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد لەگەڵ قەیس خەزعەلی، ئەمینداری گشتیی بزووتنەوەی عەسائیب ئەھلی حەق کۆبووەوە.

لە دیدارێکدا کە رەفعەت عەبدوڵا، جێگری سەرۆکی یەکێتی، دەرباز کۆسرەت رەسوڵ، ئەندامی مەکتەبی سیاسی و خالید شوانی وەزیری دادی عیراق ئامادەیبوون، پێشهات و گۆڕانکارییە ناوچەیی و ناوخۆییەکان گفتوگۆیان لەبارەوە کرا.

پێکهێنانی حکومەتی نوێی عیراق لە دیدارەکەدا خرایەبەر باس و سەرۆک بافڵ وتی، یەکێتی جەخت لەسەر پێکهێنانی حکومەتێکی خزمەتگوزار دەکاتەوە کە رەنگدانەوەی خواستی هەموو لایەک بێت.

PUKMEDIA