فەرەنسا: بە ئامانجگرتنی هاووڵاتیانی سڤیل شەرمەزار دەکەین

میدیاکان

ئاڵای فەرەنسا

گروپە چەکدارەکانی سەر بە حکومەتی دیمەشق بەردەوامن لە هێرشەکانیان بۆ سەر گەڕەکی شێخ مەقسوود و ئەشرەفییە لە حەلەب و وەزارەتی دەرەوەی فەرەنساش رایدەگەیەنێت بە ئامانجگرتنی هاووڵاتیانی سڤیل شەرمەزار دەکەین و داواش لە لایەنە جیاوازەکان دەکات دان بە خۆیاندا بگرن و دەستبەجێ تەقە ڕابگرن.

وەزارەتی دەرەوەی فەرەنسا راگەیەندراوێکی لەسەر پێشهاتەکانی حەلەب بڵاوکردەوە و رایگەیاند: فەرەنسا بە نیگەرانییەکی زۆرەوە چاودێری دۆخی هەردوو گەڕەکی شێخ مەقسوود و ئەشرەفییە لە حەلەب دەکات.

دەشڵێت:  فەرەنسا سەرجەم ئەو کارە توندوتیژییانە شەرمەزار دەکات، کە هاووڵاتیانی مەدەنی دەکەنە ئامانج، کە دەبێت بپارێزرێن، هەروەها داوا لە لایەنە جیاوازەکان دەکات دان بە خۆیاندا بگرن و دەستبەجێ تەقە ڕابگرن  و ئاگربەست بکەن.

ئاماژەی بەوەشکردووە: فەرەنسا بەردەوامە لە هەوڵەکانی بۆ ئاسانکاریی گفتوگۆ لە نێوان دەسەڵاتە ڕاگوزەرەکان (ئینتیقالی) و هێزەکانی سووریای دیموکرات (هەسەدە) بە هەماهەنگی لەگەڵ ویلایەتە یەکگرتووەکانی ئەمریکا.

 لە کۆتایشدا وەزارەتی دەرەوەی فەرەنسا جەخت لەسەر جێبەجێکردنی تەواوەتی ڕێککەوتنی 10ی ی ئازار دەکاتەوە، چونکە ئەمە بە بابەتێکی بنەڕەتی دەزانێت بۆ یەکخستنەوەی سووریا و سەقامگیری ناوچەکە.

PUKMEDIA