سەرۆككۆمار: پەیوەندی نێوان عیراق و شانشینی یەكگرتوو خزمەت بەهەردوو وڵات بكات

راگەیاندنی سەرۆككۆماری عیراق

پێشوازی سەرۆككۆمار لەباڵیۆزی بەریتانیا

د.لەتیف جەمال رەشید، سەرۆككۆماری عیراق، ئەمڕۆ سێشەممە 6ی كانونی دووەمی  2026 لە بەغداد، پێشوازی كرد لە عیرفان سدیق باڵیۆزی بەریتانیا لەعیراق و خاتوو هێلینا ڤیكا لازانۆ، بەڕێوەبەری جێبەجێكاری نووسینگەی كۆمنوێڵس و گەشەپێدان لەوەزارەتی دەرەوەی بەریتانیا، بە ئامادەبوونی خانمی یەكەم، شاناز ئیبراهیم ئەحمەد.

لەمیانی دیدارەكەدا پەیوەندییە دووقۆڵییەكانی نێوان هەردوو وڵات و چۆنییەتی پەرەپێدانیان لەبوارە جیاجیاكاندا تاوتوێكرا، هاوكات بیروڕایان لەبارەی كۆمەڵێك پرسی بەرژەوەندی هاوبەش لە ناوچەكە و جیهان ئاڵوگۆڕ كرد، سەرۆككۆمار جەختی لەگرنگی پتەوكردنی هاوبەشی نێوان عیراق و شانشینی یەكگرتوو بەشێوەیەك كردەوە كەخزمەت بەبەرژەوەندییەكانی هەردوو وڵاتی دۆست بكەن.

لەچوارچێوەی هەوڵەكانی پێكهێنانی حكومەت، بەڕێزیان دووپاتی لە پێویستی بەردەوامبوون لەڕاوێژكردن كردەوە بۆ پێكهێنانی حكومەتێكی كاریگەر لەماوە دیاریكراوەكانی دەستووردا، كەلە قۆناغی داهاتوودا خواستەكانی هاووڵاتیان و سەقامگیری دەستەبەر بكات.

لەلای خۆیەوە عیرفان سدیق، پێزانینی شانشینی یەكگرتووی بۆ ئاستی هاوكاری دووقۆڵی ئێستا دەربڕی و ستایشی ئەو رۆڵەی كرد كەهێزە سیاسییەكان لەپشتیوانیكردنی سەقامگیری وپەرەپێدانی دیالۆگ ولێكتێگەیشتن دەیگێڕن.

PUKMEDIA