خوێندکاران و مامۆستایان بەخۆڕایی سود لە تایبەتمەندییەکانی Google AI Pro وەردەگرن

میدیاکان

لۆگۆی Gemini 2.5 Pro

لە ڕێگەی ڕێککەوتنێکی ستراتیژیی نێوان وەزارەتی خوێندنی باڵا و کۆمپانیای گۆگڵ، خوێندکاران و مامۆستایانی زانکۆ و پەیمانگاکانی عیراق و هەرێمی کوردستان دەتوانن بۆ ماوەی 12 مانگ بە خۆڕایی سوود لە تەواوی تایبەتمەندییە پێشکەوتووەکانی Google AI Pro وەربگرن.
بەپێی ڕێککەوتنێکی ستراتیژیی نێوان وەزارەتەکانی پەروەردە و خوێندنی باڵای عیراق و کۆمپانیای گۆگڵ، ئێستا خوێندکاران و مامۆستایانی زانکۆ و پەیمانگاکانی عێراق و کوردستان دەتوانن بۆ ماوەی 12 مانگ بە خۆڕایی سوود لە تەواوی تایبەتمەندییە پێشکەوتووەکانی Google AI Pro وەربگرن کە Gemini 2.5 Pro و زیاتری لەخۆگرتووە.

سودەکانی رێککەوتنەکە بۆ خوێندکاران و مامۆستایان
Gemini 2.5 Pro: بەهێزترین مۆدێلی ژیری دەستکرد بۆ شیتەڵکردنی زانیاری، نووسین، فیدباکدان، و چارەسەرکردنی پرسیارە ئاڵۆزەکان.
Veo 3: توانای دروستکردنی ڤیدیۆی کوالێتی بەرز بە ژیری دەستکرد.
NotebookLM Pro: پڕۆژە و ئەرکەکانت بە 5 جار خێراتر ئەنجام دەدات.
 2TB Google Drive: بیرگەیەکی زۆر گەورە لە گووگڵ درایڤ بە خۆڕایی بۆ پاشەکەوتکردنی فایلەکان.
تێکەڵکردنی Gemini: بەکارهێنانی Gemini لە ناو ئەپەکانی وەک Gmail، Docs، Sheets، و زیاتر.

چالاککردنی خزمەتگوزارییەکە
ئەم خزمەتگوزارییە  لەرێگای ئیمێڵی زانکۆکانەوە چالاک دەکرێت و دەتوانن  بە چەند هەنگاوێک لە رێگەی لێنکی چالاککردنی ئۆفەرەکە سود لە تەواوی خزمەتگوزارییەکان وەربگرن.
PUKMEDIA