پرۆفیسۆرێکی تورکی: زمانی کوردی دایکی زمانەکانی ناوچەکەیە

میدیاکان

جەلال شانگور پرۆفیسۆر و مێژوونوسی دیاری تورکی

مێژوونوس و پرۆفیسۆرێکی تورکی ئاشکرای دەکات، زمانی کوردی لە فارسی و عەرەبی کۆنترە  و دووپاتیشی دەکاتەوە: رەگ و ریشەی زمانەکان ئەوەی دەرخستووە کە کوردی دایکی زمانەکانی دیکەیە.

جەلال شانگور پرۆفیسۆر و مێژوونوسی دیاری تورکی رایدەگەیەنێت: زمانی کوردی کۆنترین زمانی جیهانە و لەپێش فارسی و عەرەبییە.

دەشڵێت:" دەتوانین بڵێن زمانی کوردی کۆنترین زمانی جیهانە، بەشێوەیەک لە فارسی و عەرەبی کۆنترە، بۆیە کاتێک توێژینەوە زانستییەکان و ریشەی زمانەکان دەخوێنینەوە بۆمان دەردەکەوێت کوردی دایکی زمانەکانە".

 ئەو مێژوونوسە دووپاتیشی دەکاتەوە، زمانی کوردی خاوەن مێژووییەکی دەوڵەمەند و رەسەنە، داواش دەکات گرنگی زیاتر بەو راستییە زانستییە بدرێت.

جەلال شانگور پرۆفیسۆر و مێژوو نوسی دیاری تورکیایە و توێژینەوەکانی جێگای بایەخی میدیاکانن و لێدوانەکانیشی دەبنە جێگای سەرنجی هەموو لایەک.

PUKMEDIA