هێزی دەلتا کێن کە سەرکردە جیهانییەکان دەستگیر دەکەن یان دەیانکوژن؟

میدیاکان

هێزی دەلتا

هێزی "دەلتا" (Delta Force) لە 21ی11ی 1977 دامەزراوە و بارەگا سەرەکییەکەی لە "فۆرت بڕاگ"ە لە ئەمریکا، ئەم هێزە بە نوخبەی سوپای ئەمریکا دادەنرێت و ئەرکی سەرەکییان بریتییە لە رووبەڕووبوونەوەی تیرۆر، رزگارکردنی بارمتەکان و دەستگیرکردنی ئەو سەرکردە نەیارانەی کە واشنتۆن وەک مەترسی دەیانبینێت. 

ئەندامانی ئەم هێزە لە ناو یەکە جیاوازەکانی سوپادا بە وردی هەڵدەبژێردرێن و پێویستە لە رەگەزی نێر بن و مەشقی زۆر قورسی جەستەیی و دەروونی دەبین، ئەمە جگە لەوەی پێویستە زمانی بیانی بزانن بە تایبەت عەرەبی و ئۆرد و عیبری.

مێژووی ئەم هێزە پڕە لە ئۆپەراسیۆنی گەورە؛ پێشتر سەرکەوتوو بوون لەوانە رزگارکردنی بارمتەکانی باڵیۆزخانەی ئەمریکا لە تاران و  دەستگیرکردنی سەدام حوسێن لە عیراق (2003)، کوشتنی ئەبوبەکر بەغدادی لە سوریا هەروەها رۆڵێکی بەرچاویان هەبووە لە راوبەرووبونەوەی بازرگانانی ماددەی هۆشبەری جیهانی وەک پابلۆ ئیسکۆبار و ئێل چاپۆ.

دەستگیرکردنی مادۆرۆ و گواستنەوەی بۆ دەرەوەی ڤەنزوێلا، نوێترین زنجیرەی چالاکییە مەیدانییەکانی ئەم یەکەیەیە، بەکارهێنانی ئەم هێزە لە ئۆپەراسیۆنێکی ئاوا هەستیاردا، پێگەی "دەلتا" وەک ئامرازێکی سەرەکیی ستراتیژیی ئەمریکا بۆ یەکلاکردنەوەی ململانێ سیاسییەکان لە جیهاندا دووپات دەکاتەوە.


PUKMEDIA