ترەمپ: لە ئۆپراسیۆنێکدا مادۆرۆ سەرۆکی ڤەنزوێلا و هاوسەرەکەیمان دەستگیر کرد

SKY NEWS

دۆناڵد ترەمپ مادۆرۆ

دۆناڵد ترەمپ سەرۆکی ئەمریکا دەستگیرکردنی سەرۆکی ڤەنزوێلا و هاوسەرەکەی راگەیاند و دووپاتی کردەوە کە بۆ دەرەوەی ڤەنزوێلا گوازراونەتەوە.

دۆناڵد ترەمپ، سەرۆکی ئەمەریکا رایگەیاند کە هێرشێکی بەرفراوان و سەرکەوتوویان لە دژی ڤەنزوێلا ئەنجامداوە و  ئاشکراشی کرد کە مادۆرۆ سەرۆکی وڵات و هاوسەرەکەی دەستگیر کراون بە فڕۆکە گوازراونەتەوە بۆ دەرەوەی وڵات.

ئاماژەی بەوەشکرد، ئۆپەراسیۆنەکە بە هاوکاری دەزگای جێبەجێکردنی یاسای ئەمریکا ئەنجامدراوە، دواتر وردەکاری زیاتر بڵاودەکرێتەوە.

ئاماژەی بەوەشکرد: سەعات 11 بە کاتی ئەمریکا لە کۆنگرەیەکی رۆژنامەوانیدا زانیاری زیاتر بڵاو دەکەینەوە.

ئەمەش لەکاتێکدایە، میدیاکانی ئەمەریکا بڵاویانکردەوە کە ترەمپ فەرمانی کردوە هێرشی ئاسمانی بۆ سەر  چەند ئامانجێک لەناو ڤەنزوێلا  ئەنجام بدرێت، باس لەوەشدەکرێت لانیکەم هەشت پێگەی سەربازی بە ئامانج گیراون و فڕۆکە جەنگییەکانیش بە نزمی بەسەر پایتەختدا سوڕاونەتەوە.


PUKMEDIA