وشكەساڵی و کەمبوونەوەی ئاو هەڕەشە لە داهاتووی عیراق دەکات

میدیا عیراقییەکان

وشکەساڵی لە عیراق

عیراق ماوەی سێ ساڵە بەدەست وشکەساڵی و گۆڕانی کەشوهەواوە دەناڵێنیت کە کاریگەری تەواوی کردووەتە سەر بڕی گەنم و دانەوێڵە و یەدەگی ئاو و ژیانی جوتیاران.

بەپێی راپۆرتێکی ئاژانسی رۆیتەرز، رێکخراوی فاو پێشبینی دەکات داهاتی دانەوێڵەی عیراق بەڕێژەی %50 دابەزێت و بگاتە نیوەی بەرهەمهێنانی پێش ساڵانی وشکەساڵی.
هەروەها بەپێی راپۆرتی ئاژانسەکە ئەو زەوییە کشتوکاڵیانەی بە ئاوی رووبارەکان ئاو دەدران، بۆ یەک ملیۆن دۆنم دابەزیوە، بۆیە عیراق چاندنی برنجی قەدەغەکردووە، بۆ ئەوەی رێگری بکات ئاوی زۆرتر بەفیڕۆ بچێت.

هاوکات،کەمئاوی و وشکەساڵی کاریگەری زۆری کردووەتە سەر ژیانی گوندنشینەکان و بەپێی راپۆرتەکەی رۆیتەرز 170 هەزار کەس بەهۆی کەمبوونەوەی ئاوەوە لە ناوچە گوندنشینەکان ئاوارە بوون، هەروەها ئەو جوتیارانەشی لە شوێنەکانی خۆیان ماونەتەوە، ناچارن خەرجییەکی زیاتر بکەن و پەنایان بۆ دەرهێنانی ئاوی ژێر زەوی بردووە،بۆ ئەوەی بەرهەمە کشتوکاڵییەکانیان لە فەوتان رزگار بکەن.

پەیوەست بە ساڵی 2025 ، عیراق لەو ساڵەدا رووبەڕووی سەخترین وشکەساڵی و کەمبوونەوەی ئاو بووەتەوە، بەشێوەیەک لە ساڵی 2020یەدەگی ئاو 60 ملیار سێجا بووە، بەڵام ئێستا بۆ 4 ملیار مەتری سێجا کەمبووەتەوە.

PUKMEDIA