سەرۆك بافڵ: ئامانجی یەكێتی خزمەتكردنی هاووڵاتییان و چارەسەركردنی كێشەكانە

راگەیاندنی سەرۆك بافڵ جەلال تاڵەبانی

بافڵ جەلال تاڵەبانی، سەرۆكی یەكێتی و موسەنا سامەڕائی، سەرۆكی ھاوپەیمانیی عەزم

بافڵ جەلال تاڵەبانی، سەرۆكی یەكێتیی نیشتمانیی كوردستان، لە بەغداد لەگەڵ موسەنا سامەڕائی، سەرۆكی ھاوپەیمانیی عەزم كۆبووەوە.

لە كۆبوونەوەكەدا كە نزار ئامێدی، ئەندامی مەكتەبی سیاسیی یەكێتی و د. خالید شوانی، وەزیری دادی عیراق ئامادەیبوون، جەخت لە خێراكردنی هەنگاوەكان بۆ پێكهێنانی حكومەتی نوێی عیراق كرایەوە.

سەرۆك بافڵ رایگەیاند: یەكێتیی نیشتمانیی كوردستان بە دیدگایەكی روونەوە هاتووەتە گفتوگۆكانەوە كە ئامانجی خزمەتكردنی هاووڵاتییان و چارەسەركردنی كێشە هەڵپەسێردراوەكانی نێوان هەرێمی كوردستان و عیراقە.

PUKMEDIA