وەزارەتی تەندروستی عیراق فۆڕمی ئەلیکترۆنی دامەزراندن کارا دەکات

وەزارەتی تەندروستی

وەزارەتی تەندروستی عیراق

وەزارەتی تەندروستیی عیراق، فۆڕمی ئەلیكترۆنیی دامەزراندنی بۆ دەرچووانی كۆلێژ و پەیمانگا پزیشكییەكانی هەرێمی كوردستان و عیراق کارا کرد و دەرچووانی ساڵی خوێندنی 2023-2024 دەتوانن فۆڕمەکە پڕ بکەنەوە.

بەپێی راگەیەندراوێکی وەزارەتی تەندروستی عیراق: فۆڕمی ئەلیكترۆنی دامەزراندن، بۆ دەرچووانی ساڵی خوێندنی 2023-2024 پزیشكی و دەرمانسازی و كۆلێژ و پەیمانگا پزیشكییەكانی هەرێمی كوردستان و دەرەوەی عیراق لە ماڵپەڕی وەزارەتی تەندروستی عیراق کارا کراوە.

وەزارەتەکە، ئاماژەی بەوەشکردووە: پاش پەسەندکردنی خشتەی بودجەی ساڵی 2026 لەلایەن وەزارەتی دارایی عیراقەوە، بەپێی پێویستی بڕیار لەسەر دامەزراندنیان دەدرێت.

لە کۆتایشدا وەزارەتی تەندروستی عیراق داوای لە دەرچووانی کۆلێژە پزیشکییەکانی هەرێمی کوردستان و عیراق کردووە  فۆڕمی ئەلیکترۆنیی دامەزراندن لەسەر میلاکی وەزارەتی تەندروستیی عیراق پڕبکەنەوە ، دەرچووان دەتوانن لە رێگەی ئەم لینکەوە فۆڕمەکە پڕبکنەوە.

PUKMEDIA