د.لەتیف جەمال رەشید لە بەغداد پێشوازی لە ئەمینداری گشتی نەتەوەیەکگرتووەکان کرد

نوسینگەى راگەیاندنى سەرۆککۆمار

د.لەتیف جەمال رەشید سەرۆککۆمارى عیراق و ئەنتۆنیۆ گۆتێرێس ئەمینداری گشتی نەتەوەیەکگرتووەکان

د.لەتیف جەمال رەشید سەرۆککۆمارى عیراق، ئەمڕۆ شەممە 13ی کانونی یەکەم 2025 لە کۆشکی سەلام لە بەغداد، پێشوازی لە ئەمینداری گشتی نەتەوەیەکگرتووەکان ئەنتۆنیۆ گۆتێرێس کرد.

سەرۆککۆمار دووپاتی کردەوە، کە راگەیاندنی رەسمی کۆتایی هاتنی ئەرکی نێردەی نەتەوەیەکگرتووەکان بۆ عیراق (یونامی) دەستپێکی قۆناغێکی نوێی هاوکاری و کاری هاوبەشە لەگەڵ نەتەوە یەکگرتووەکانە، کە لەسەر بنەمای هاوبەشی و رێزگرتن لە سەروەری نیشتمانی و ئامانجی پاڵپشتیکردنی هەوڵەکانی گەشەپێدانی بەردەوام و بەهێزکردنی ئاسایش و سەقامگیری وڵاتە.

لەلای خۆیەوە ئەمینداری گشتی نەتەوە یەکگرتووەکان، پێزانینی خۆی بۆ ئەو رۆڵە دەربڕی کە عیراق لەسەر ئاستی هەرێمایەتی و نێودەوڵەتیدا دەیگێڕێت و دوپاتیشی لە بەردەوامی پشتیوانی نەتەوە یەکگرتووەکان کردەوە، هەروەها ستایشی ئەو پێشکەوتنانەی کرد، لە بوارەکانی سەقامگیری و چاکسازیدا بەدیهاتوون .

PUKMEDIA