جینۆسایدی کورد و ئێزدییەکان لە ئەرمینیا باسی لێوەدەکرێت

PUKMEDIA

بەشداری سەرۆکی رێکخراوی دۆستایەتی کورد و ئەرمەن لە کۆنفرانسەکە

ئەمڕۆ دوو شەممە 8-12-2025  لە یەریڤانی پایتەختی ئەرمینیا بەبەشداری ژمارەیەک لە لێکۆڵەرانی بواری جینۆساید لە ووڵاتانی جیهان و نوێنەری میللەتانی جینۆساید کراو، کۆنفراسی نێودەوڵەتی لە ناو زانکۆی یەریڤانی حکومی دەستی بە کارەکانی کرد.

کۆنفرانسەکە کە هەریەکە لە زانکۆی یەریڤان و سەنتەری دیراساتی مافی مرۆڤ و جینۆساید رێکیان خستووە و دوو رۆژ دەخایەنێت، تیایدا ژمارەیەک لێکۆڵینەوە و بابەت پێشکەش دەکرێت.

لە هەرێمی کوردستانەوە، هێمن مام رەش وەک سەرۆکی رێکخراوی دۆستایەتی کورد و ئەرمەن بەفەرمیی  بانگهێشتی کۆنفرانسەکە کراوە، لە بارەی جینۆسایدکردنی کورد و ئێزدییەکان لە هەرێمی کوردستان لەلایەن رژێمی بەعس و رێکخراوی تیرۆریستی داعش پێشکەش دەکات.

PUKMEDIA