وەزیری دادی عیراق: زیاتر لە 10 هەزار کەس ئازاد کراون

PUKMEDIA

د. خالد شوانی وەزیری دادی عیراق

وه‌زیری دادی عیراق ئاشکرای دەکات زیاتر لە 10 هه‌زار  سزادراو به‌ یاسای لێبوردنی گشتیدا ئازادكراون و پرۆسه‌كه‌ش به‌پشت به‌ستن به‌یاساكه‌ به‌رده‌وام ده‌بێت.

د. خالد شوانی  وەزیری دادی عیراق، لە لێدوانێکیدا رایگەیاند: تا ئه‌مڕۆ 10 هه‌زار و 434 زیندانی سزادراو له‌ زیندانه‌كانی وه‌زاره‌تی داددا بە پشت بەستن بە یاسای لێبوردنی گشتی ئازادكراون.

ئاماژه‌ی به‌وه‌شكرد: ئه‌نجومه‌نی باڵای دادوه‌ری به‌رده‌وام ژماره‌ی ئه‌و ده‌ستگیركراوانه‌ و ئه‌و كه‌سانه‌ی به‌ كه‌فاله‌ت ئازادكراون ڕاده‌گه‌یه‌نێت كه‌ دۆسیه‌كانیان له‌ قۆناغی لێكۆڵینه‌وه‌دا بوه‌ یان له‌به‌رده‌م دادگاكانی تاوان به‌ر لێبوردنی گشتی كه‌وتون".

وەزیری دادی عیراق، ئەوەشی ئاشکرا کرد،  ئەو ژمارەیەی راگەیەندراوە، ته‌نها په‌یوه‌ندی به‌و سزادراوانه‌وه‌ هه‌یه‌ كه‌ له‌ناو زیندانه‌كانی وه‌زاره‌تی داد بون و به‌پێی یاسای لێبوردن ئازادكراون.

PUKMEDIA