زۆربەی داهاتی عیراق بۆ مووچەیە

میدیاکان

دابەشکردنی مووچە

شارەزایەکی ئابوری ئاشکرای دەکات زۆرینەی داهاتی عیراق بۆ مووچە دەڕوات و ئەو بڕە کەمەشی دەمێنێتەوە دەچێتە سەر خەرجییە گشتییەکانی دەوڵەت.

حەیدەر شێخ، شارەزای ئابووری لە لێدوانێکی ڕۆژنامەوانیدا  سەبارەت بە بڕی ئەو داهاتەی بۆ مووچە دیاریکراوە لە عیراق  رایگەیاند، داهاتی هەناردەکردنی نەوتی خاوی عیراق لە 10 مانگی ڕابردوودا، 89 ترلیۆن دینار بووە، پێشبینیش دەکرێت تا کۆتایی ئەمساڵ بۆ 105 ترلیۆن دینار بەرزبێتەوە.

هاوکات ئاماژەی بەوەشداوە، داهاتی نانەوتی تا کۆتایی ئەمساڵ دەگاتە 13 ترلیۆن دینارونزیکەی 80 ترلیۆن دینار لە کۆی داهاتی ساڵانە بۆ مووچەی فەرمانبەران و خانەنشینان و تۆڕی پاراستنی کۆمەڵایەتی خەرج دەکرێت، لە کاتێکدا ئەوەی دەمێنێتەوە دەچێتە سەر خەرجییە گشتییەکانی دەوڵەت.

ئەو پسپۆڕەی ئابووری باسی لەوەشکرد، کورتهێنانی دارایی بە 30 ترلیۆن دینار خەمڵێندراوە وهۆکارەکەی قەبارەی خەرجییەکانی ئێستا و بێتوانایی حکوومەتە لە خەرجکردنی شایستەکانی ژمارەیەک وەزارەت، دیارترینیان وەزارەتی تەندروستیە، ئەمەش بەهۆی ئەوەیە تاوەکوو ئێستا خشتەی بودجە پەسەند نەکراوە."

ماوەیەکی زۆرە عیراق لە 90% پشتی بە داهاتی نەوت بەستووە، ئەمەش وایکردووە لەکاتی دابەزینی نرخی نەوت دارایی وڵات ڕووبەڕووی کێشە بێتەوە.

PUKMEDIA