لەهەرێم دابەشکردنی مووچەی مانگی ئەیلول دەستیپێکرد

PUKMEDIA

دراوی عیراقی

وەزارەتی دارایی، خشتەی مووچەی مانگی ئەیلولی مووچەخۆرانی هەرێمی كوردستانی راگەیاند و بەپێی خشتەكەش، ئەمڕۆ دەست بەدابەشكردنی مووچەی مانگی ئەیلول دەكرێت و ماوەی سێ رۆژ دەخایەنێت و چەند وەزارەتێك مووچە وەردەگرن.

بەپێی راگەیەندراوێكی وەزارەتی دارایی و ئابوری هەرێمی كوردستان: ئەمڕۆ یەكشەممە30ی11ی2025، دەست بەدابەشكردنی مووچەی مانگی ئەیلوولی فەرمانبەران و مووچەخۆرانی هەرێمی كوردستان دەكرێت و رۆژی سێ شەممە 2ی12ی2025 كۆتایی بەدابەشكردنی مووچە دێت.

هاوكات وەزارەتی دارایی لە راگەیەندراوەكەیدا داوای لە سەرجەم مووچەخۆران كردووە لەدوای سەعات یەكی دوانیوەرۆ سەردانی بانكەكان بكەن بەمەبەستی وەرگرتنی مووچەكانیان بە پێی خشتەی راگەیەنراو.

ئەمەش لەکاتێکدایە، وه‌زاره‌تی دارایی و ئابوری هه‌رێم رۆژی 19ی11ی2025، داهاتی نانه‌وتی هه‌رێم بۆ مانگی ئه‌یلول كه‌ بڕ‌ه‌كه‌ی 120 ملیار دینار بوو به‌شێوه‌ی كاش خسته‌ سه‌ر هه‌ژماری بانكی وه‌زاره‌تی دارایی حكومه‌تی فیدراڵ له‌ لقی هه‌ولێری بانكی ناوه‌ندی عیراق، هاوكات رۆژی 29ی11ی2025، بڕی 941 ملیار و 874 ملیۆن دینار وەک تەمویلی مووچەی مانگی ئەیلولی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لەلقی هەولێری بانکی ناوەندی عیراق.

هاوکات رۆژی 27ی 10ی 2025، لەهەرێم دەست بەدابەشکردنی مووچەی مانگی ئاب کرا و بە سێ رۆژ مووچەی مووچەخۆرانی هەرێمی کوردستان دابەشکرا.

PUKMEDIA

خشتەی مووچەی مانگی ئەیلول: