پڕۆسەی دەنگدانی گشتی لەسەرتاسەری عیراق دەستیپێکرد

PUKMEDIA

هەڵبژاردن

پڕۆسەی دەنگدانی گشتی لە سەرتاسەری عیراق دەستیپێکرد و زیاتر لە 20 ملیۆن کەس مافی دەنگدانیان هەیە و هەشت هەزار و 703 ناوەندی دەنگدان و 39 هەزار و 285 وێستگەی دەنگدانی گشتی هەیە.

7:00ی بەیانی ئەمڕۆ سێشەممە 11ی 11ی 2025، پڕۆسەی دەنگدانی گشتی لە سەرتاسەری عیراق دەستی پێکرد کە 20  ملیۆن و 63 هەزار و 733 کەس مافی بەشداریکردنیان لە پڕۆسەکە هەیە و لەو ژمارەیەش ملیۆنێک و 119 هەزار و 111 کەسیان لە پارێزگای سلێمانین.

هاوکات لە پارێزگای هەولێر ملیۆنێک و دوو هەزار و 87 کەس مافی بەشداریکردنی دەنگدانی گشتییان هەیە و لە پارێزگای دهۆک و 722 هەزار و 853 کەس دەتوانن بەشداری پڕۆسەکە بکەن.

ئەمەش لە کاتێکدایە رۆژی 9ی 11ی 2025 پڕۆسەی دەنگدانی تایبەت لە تەواوی پارێزگاکانی عیراق بەڕێوەچوو کە ژمارەی دەنگدەرانی دەنگدانی تایبەت ملیۆنێک و 313 هەزار و 980 کەسبوو، 809 ناوەندی دەنگدانی تایبەت و چوار هەزار و 501 وێستگەی دەنگدانی تایبەت هەبووە.

PUKMEDIA