بردنە ژورەوەی مۆبایل لەرۆژی دەنگدان قەدەغەکرا

وكالة الأنباء الليبية

دەنگدان

کۆمسیۆنی باڵای سەربەخۆی هەڵبژاردنەکانی عیراق بەکارهێنان و بردنە ژوورەوەی مۆبایلی لە رۆژی دەنگدانی گشتی قەدەغەکرد.

ئەمڕۆ دووشەممە 10ی 11ی 2025، کۆمسیۆنی باڵای سەربەخۆی هەڵبژاردنەکانی عیراق لە راگەیەندراوێکدا ئاماژەی بەوەکردووە: لەپێناو پاراستنی تایبەتمەندی و مافەکانی کەسی دەنگدەر بڕیارمان دا بە قەدەغەکردنی بەکارهێنان و بردنە ژوورەوەی مۆبایل بۆ ناو وێستگەکانی دەنگدان و نابیت دەنگدەر بەهێچ شێوەیەک وێنەی دەنگەکەی یان ناو وێستگەکە بگرێت.

وابڕیارە سبەی سێشەممە 11ی 11ی 2025 پڕۆسەی دەنگدانی گشتی بۆ خولی شەشەمی ئەنجومەنی نوێنەرانی عیراق بەڕێوەبچێت و ژمارەی دەنگدەرانی گشتی لەم هەڵبژاردنە 20 ملیۆن و 63 هەزار و 733 کەسە، هەروەها لە تەواوی عیراق هەشت هەزار و 703 ناوەندی دەنگدان و 39 هەزار و 285 وێستگەی دەنگدانی گشتی هەیە.

PUKMEDIA