كۆمسیۆن: پرۆسه‌ی ده‌نگدانی تایبه‌ت كۆتایی هات

میدیاکان

دەنگدانی تایبەت

ده‌نگدانی تایبه‌ت بۆ خولی شه‌شه‌می په‌رله‌مانی عیراق له‌عیراق كۆتایی هات و رێژه‌ی به‌پێی زانیارییه‌كانی PUKMEDIA به‌شداری ده‌نگدانی تایبه‌ت له‌ پارێزگاكانی هه‌رێمی كوردستان به‌راوورد به‌ پارێزگاكانی عیراق له‌ ئاستێكی به‌رزتردا بوو.

پرۆسه‌ی ده‌نگدانی تایبه‌ت بۆ هه‌ڵبژاردنی خولی شه‌شه‌می ئه‌نجومه‌نی نوێنه‌رانی عیراق له‌ هه‌رێم و عیراق  سه‌عاتی 7ی به‌یانی ئه‌مڕۆ 9ی11ی2025 ده‌ستیپێكرد و شه‌شی ئێواره‌ كۆتایی هات ، كه‌ تیایدا له‌هه‌رێمی  كوردستان 270 هه‌زار ده‌نگده‌ر مافی ده‌نگدانیان هه‌بوو، كه‌ به‌سه‌ر 204 بنكه‌ی ده‌نگدان و 958 وێستگه‌ دابه‌ش كرابوون، هاوكات له‌هه‌موو عیراق ژماره‌ی ده‌نگده‌رانی ده‌نگدانی تایبه‌ت ملیۆنێك و 313 هه‌زار و 980 كه‌س بوو.

 په‌یوه‌ست به‌ به‌ڕ‌ێوه‌چوونی پرۆسه‌كه‌ش، له‌ پارێزگاكانی هه‌ولێر و دهۆك ژماره‌یه‌ك پێشێلكاری له‌لایه‌ن رێكخراوه‌كانی چاودێری هه‌ڵبژاردنه‌كانه‌وه‌ تۆمار كران، هه‌روه‌ها له‌پارێزگاكانی عیراقیش پێشێلكاریی له‌ به‌غداد، ناسرییه‌، سه‌ڵاحه‌دین و نه‌ینه‌وا تۆماركراون.

به‌پێی زانیارییه‌كانی PUKMEDIA، رێژه‌ی به‌شداریكردنی ده‌نگی تایبه‌ت له‌هه‌رێمی كوردستان، له‌ئاستێكی باڵادا بووه‌و زیاتربووه‌ له‌پارێزگاكانی دیكه‌ی عیراق.

PUKMEDIA