ئەمڕۆ دابەشکردنی مووچەی مانگی ئاب کۆتاییدێت

PUKMEDIA

دراوی عیراقی

ئەمڕۆ 29ی 10ی 2025، بۆ کۆتا رۆژ دابەشکردنی مووچەی مانگی ئاب بەردەوامە و چەند وەزارەتێك مووچە وەردەگرن.

بەپێی ئەو خشتەیەی وەزارەتی دارایی و ئابوری حکومەتی هەرێمی کوردستان بڵاویكردووەتەوە، ئەمڕ‌ۆ چوارشەممە وەزارەتەكانی (کارو کاروباری کۆمەڵایەتی، رۆشنبیری و لاوان، کارەبا، ئەوقاف و کاروباری ئاینی، خوێندنی باڵا و توێژینەوەی زانستی، سەرۆکایەتی پەرلەمان، سەرۆکایەتی ئەنجومەنی وەزیران، سەرۆکایەتی هەرێم، پێشمەرگە(دیوان، لیواکان)، یەکەی 70 و 80، ب.پۆلیسی دامودەزگا نەوتییەکان، ئەنجومەنی ئاسایش و دەزگای ئاسایش، هێزی زێرەڤانی و فەرماندەی برگری فریاکەوتن) مووچەی مانگی ئاب وەردەگرن.

ئەمەش لەکاتێکدایە، رۆژی 26ی 10ی 2025، بڕی 945 ملیار و 817 ملیۆن دینار وەك تەمویلی مووچەی مانگی ئابی فەرمانبەران و مووچەخۆرانی هەرێمی كوردستان خرایە سەر هەژماری بانكی وەزارەتی دارایی و ئابووری هەرێمی كوردستان لە لقی هەولێری بانكی ناوەندی عیراق.

PUKMEDIA