دارایی عیراق مووچەی مانگی ئابی بۆ هەرێم نارد

PUKMEDIA

لۆگۆی حکومەتی هەرێم و وەزارەتی دارایی و دراوی عیراقی

وەزارەتی دارایی عیراق تەمویلی مووچەی مانگی ئابی مووچەخۆرانی هەرێمی كوردستانی خستە سەر هەژماری وەزارەتی دارایی هەرێم.

وەزارەتی دارایی و ئابووری حكومەتی هەرێم رایگەیاند: ئەمڕۆ یەك شەممە 26ی 10ی 2025، بڕی 945 ملیار و 817 ملیۆن دینار وەك تەمویلی مووچەی مانگی ئابی فەرمانبەران و مووچەخۆرانی هەرێمی كوردستان خرایە سەر هەژماری بانكی وەزارەتی دارایی و ئابووری هەرێمی كوردستان لە لقی هەولێری بانكی ناوەندی عیراق.

ئەمەش لە كاتێكدایە، رۆژی 21ی10ی2025، وەزارەتی دارایی حكومەتی هەرێمی كوردستان، 120 ملیار دینار داهاتی نانەوتی بۆ مانگی ئابی ساڵی (2025) كە بڕەكەی (120،000،000،000 ) سەدو بیست ملیار دینار بوو، بەشێوەی كاش خستە سەر هەژماری بانكی وەزارەتی دارایی حكومەتی فیدراڵ لە لقی هەولێری بانكی ناوەندی عیراق.

PUKMEDIA