سوپای ئیسرائیل ئاگربەست لە غەززە جێبەجێدەکات

وکالة سبأ

کەرتی غەززە

سوپای ئیسرائیل رایگەیاندووە: هێرشە ئاسمانییەکان بۆسەر کەرتی غەززە وەستاون و لە سەعات ١٢ی شەوەوە ئاگربەست لە غەززە چوەتە بواری جێبەجێکردنەوەو کشانەوەی هێزەکان بەم نزیکانە دەستپێدەکات.

نوسینگەی راگەیاندنی سەرۆکوەزیرانی ئیسرائیل رایگەیاندووە: ئەمڕۆ هەینی 10-10-2025 حکوومەتی ئیسرائیل رەزامەندی داوە لەسەر بڕیاری ئاگربەست لە کەرتی غەززە کە ئازادکردنی هەموو بارمتەکانیش لەخۆ دەگرێت.

ئەمەش لەچوارچێوەی ئەو رێککەوتنەیە کە رۆژی چوارشەممە لەلایەن دۆناڵد ترەمپی سەرۆکی ئەمریکاوە راگەیەندراوە و لەلایەن حکوومەتی ئیسرائیل و حەماسیشەوە قبووڵکراوە.

بەپێی پلانەکەی ترەمپ، بە ئازادکردنی بارمتەکان، 250 فەلەستینی کە بڕیاری زیندانی تا هەتاییان بەسەر سەپێندراوە و  1700 هاووڵاتی غەززەش کە دوای هێرشەکانی 7ی ئۆکتۆبەر دەستیان بەسەردا گیراوە ئازاد دەکرێن.

لە ئێستادا سوپای ئیسرائیل دەستی بە کشانەوەی هێزەکانی کردووە لەناو کەرتی غەززە و بەهەزاران ئاوارەی غەززە دوای بڕیاری ئاگربەست بە لێشاو دەگەڕێنەوە زێدی خۆیان.

PUKMEDIA