سەرۆک کۆمار سەردانی مۆزەخانەی عیراق دەکات

نوسینگەی رۆژنامەوانی سەرۆک کۆمار

سەردانی سەرۆک کۆمار بۆ مۆزەخانەی عیراق

د. لەتیف رەشید سەرۆک کۆماری عیراق، ئەمڕۆ چوارشەممە 8ی10ی2025 سەردانی مۆزەخانەی عیراقی لە بەغداد کرد و لەسەردانەکەیدا گەشتێکی بەناو هۆڵەکانی مۆزەخانەکە و بەشە جیاوازەکان کرد و گوێی لە روونکردنەوەیەکی وردی هەوڵە نیشتمانییەکان بوو بۆ وپاراستنی شوێنەوار و  ئەو شوێنەوارانەی دۆزراونەتەوە.

لە میانەی سەردانەکەیدا سەرۆک کۆمار جەختیکردەوە، پاراستنی ئەم کەلەپورە بەرپرسیارێتییەکی نیشتمانی و ئەخلاقییە کە پێویستی بە هاریکاری و هەماهەنگی نێوان دامەزراوە حکومی و کۆمەڵایەتییەکان هەیە، هەروەها بریتیە لە گەیاندنی هۆشیاری لەبارەی گرنگی مێژوو وەک رێنمایی و خاڵی دەستپێک بۆ گەلان بەرەو خۆشگوزەرانی و پێشکەوتن.

سەرۆک کۆمار ستایشی هەوڵەکانی ئیدارە و ستاف و کارمەندانی مۆزەخانەکەی کرد لە پاراستنی ئەم کەلەپورە مرۆییەدا، جەختیکردەوە لە گرنگی پشتگیریکردن و بەهێزکردنی مۆزەخانە بە نوێترین شێوازەکانی نۆژەنکردنەوە و بەڵگەنامەکردن و نمایشکردن.

PUKMEDIA