سودانی رەزامەندی لەسەر خەرجکردنی مووچەی مانگی هەشت دا

نوسینگەی رۆژنامەوانی سەرۆکوەزیرانی عیراق

محەمەد شیاع سودانی، سەرۆک وەزیرانی عیراق

کەمێک پێش ئێستا محەمەد شیاع سودانی سەرۆکوەزیرانی عیراق لە کۆبوونەوەی لەگەڵ وەزیرە کوردەکان رەزامەندی لەسەر خەرجکردنی مووچەی مانگی هەشت دەربڕی  و حکومەتی هەرێمیش ئامادەیە داهاتی نانەوتی رەوانە بکات.

بەپێی زانیارییەکان پاش کۆتاییهاتنی کۆبونەوەی ئەنجومەنی وەزیران، کۆبونەوەیەکی تایبەت لەسەر پرسی مووچە لە نێوان سەرۆکوەزیرانی عیراق و وەزیرە کوردەکان بەڕێوەچوو، کە پێکهاتبوون لە خالید شوانی وەزیری داد، فوئاد حوسێن وەزیری دەرەوە ، بەنگین رێکانی وەزیری ئاوەدانکردنەوە ، لە کۆبوونەوەکەدا محەمەد شیاع سودانی سەرۆکوەزیرانی عیراق رەزامەندی لەسەر خەرجکردنی مووچەی مانگی هەشتی فەرمانبەرانی هەرێمی کوردستان دەربڕی.

ئەمەش لە کاتێکدایە، پێشتر حکومەتی هەرێمی کوردستان ئامادەیی نیشاندا کە ئەگەر رەزامەندی لەسەر مووچە بدرێت، ئەوە هەرێمی کوردستان ئامادەیە بڕی 120 ملیار دینار وەک داهاتی نا نەوتی بخاتە سەر هەژماری وەزارەتی دارایی فیدڕاڵی، بۆیە چاوەڕواندەکرێت دوای بڕیارەکەی سەرۆکوەزیرانی عیراق، حکومەتی هەرێمیش ئەو بڕە رەوانە بکات.

PUKMEDIA