سەرۆککۆماری عیراق: پشتگیری خۆمان بۆ پێکهاتەی رەسەنی ئێزیدییەکان دووپاتدەکەینەوە

نوسینگەی راگەیاندنی سەرۆککۆمار

د.لەتیف جەمال رەشید سەرۆککۆماری عیراق

سەرۆککۆماری عیراق لە پەیامێکیدا پیرۆزبایی جەژنی جەمما لە ئێزیدییەکان دەکات و رایدەگەیەنێت:" لەم ڕۆژەدا مانای هاودەنگی و بەرجەستەکردنی پێکەوەژیانی ئاشتیانە لە نێوان پێکهاتەکانی گەلی عێراقدا وەبیر دەهێنینەوە  وپشتگیری خۆمان بۆ ئەم پێکهاتە ڕەسەنە دووپات دەکەینەوە".

د.لەتیف جەمال رەشید سەرۆککۆماری عیراق ، لە پەیامەکەیدا رایگەیاندووە: بەبۆنەی هاتنەوەی جەژنی (جەمما) گەرمترین پیرۆزبایی لەڕۆڵەکانی گەلی ئێزدییمان دەکەین و هیوای جەژنێکی پڕ لەخێر و خۆشی و ئارامییان بۆ دەخوازین.

ئاماژەی بەوەشکردووە: لەم ڕۆژەدا مانای هاودەنگی و بەرجەستەکردنی پێکەوەژیانی ئاشتیانە لە نێوان پێکهاتەکانی گەلی عێراقدا وەبیر دەهێنینەوە  وپشتگیری خۆمان بۆ ئەم پێکهاتە ڕەسەنە دووپات دەکەینەوە لە تێپەڕاندنی ئاڵنگارییەکان و برینەکانی ڕابردوو و کارکردن بۆ دڵنیابوون لە گەڕانەوەی ئاوارەکان بۆ شارەکانیان و ئاشکراکردنی چارەنووسی ڕفێنراوەکان.

PUKMEDIA