پەرلەمانی ئێران لابردنی چوار سفری سەر دراوی وڵاتەکەی پەسەند دەکات

کەناڵی عالەم

دراوی ئێرانی

ئەمرۆ 5ی10ی2025، ئەنجومەنی شورای ئێران(پەرلەمان)بە زۆرینەی دەنگ پڕۆژە یاسای لابردنی چوار سفری لە دراوی وڵاتەکەی پەسەند کرد و بانکی ناوەندیش پابەند دەکرێت یاساکە لە ماوەیەکی دیاریکراودا پەسەند بکات.

بەپێی هەواڵێکی کەناڵی عالەمی ئێرانی، پڕۆژە یاساکە لە کۆی 262 ئەندامی ئامادەبوو، 144  پەرلەمانتار دەنگی بەڵێ دا و 108 دەنگی بە نەخێر و سێ پەرلەمانتاریش دەنگیان نەدا.

بەپێی یاسا هەموارکراوەکە، هەر 10 هەزار تمەنێک لە دراوی ئێستا بەرامبەر بە 100 قران دەبێت، بەمەش تمەن و قران دەبنە یەکەی دراوی رەسمی وڵات.

هەر بەپێی پرۆژە یاساکە، پێویستە بانکی ناوەندی لە ماوەی سێ مانگدا پرۆژە یاساکە جێبەجێبکات، ئەمەش دوای ئەوەی لەلایەن دەسەڵاتی باڵای بانکی ناوەندیی و ئەنجومەنی وەزیرانەوە پەسەند دەکرێت.

هاوکات، بانکی ناوەندی لە چوارچێوەی سیستمی دراوی پەسەندکراودا، بە لەبەرچاوگرتنی یەدەگ و پابەندییە یاساییەکانی وڵات، نرخی دراوی بیانی بەرامبەر بە تمەن دیاری دەکات، هەروەها بۆ ماوەی سێ ساڵ تمەنی کۆن و نوێییەکە کاریان پێدەکرێت و پاشان تمەنە کۆنەکە دەکێشرێتەوە.

PUKMEDIA