كۆمسیۆن ناوی كاندیده‌كانی یه‌كێتی په‌سه‌ند و بڵاوده‌كاته‌وه‌

PUKMEDIA

لۆگۆى یەکێتیى نیشتمانیى کوردستان

کۆمسیۆنى باڵاى سەربەخۆى هەڵبژاردنەکانى عیراق ناوى سەرجەم ئەو کاندیدانەى بڵاوکردەوە کە بەشدارى دەکەن لە هەڵبژاردنى ئەنجومەنى نوێنەرانی عیراق، کەبڕیارە لە رۆژى 11ى11ى2025 لەسەرجەم پارێزگاکانى عیراق ئەنجامبدرێت.

پێشتر کۆمسیۆنى باڵاى سەربەخۆى هەڵبژاردنەکانى عیراق، تیروپشکى بۆ پێدانى ژمارە بە حزب و هاوپەیمانى و کاندیدە سەربەخۆکان ئەنجامدا و بە پێى ئەنجامى تیروپشکەکە یەکێتیى نیشتمانیى کوردستان بە ژمارە (222) بەشدارى هەڵبژاردنى ئەنجومەنى نوێنەرانى عیراق دەکات.

 یەکێتیى نیشتمانیى کوردستان لە پارێزگاکانى هەولێر، سلێمانى، دهۆک، هەڵەبجە، کەرکوک و دیالە بە لیستى سەربەخۆ بە ناوى لیستى (یەکێتیى نیشتمانیى کوردستان) بە ژمارە 222 بەشدارى هەڵبژاردنى ئەنجومەنى نوێنەرانى عیراق دەکات، هاوکات لە پارێزگاى نەینەوا  لە چوارچێوەى هاوپەیمانێتییەکدا بەناوى (هاوپەیمانى یەکێتى خەڵکى نەینەوا) بە ژمارە 281 بەشدارى هەڵبژاردنەکە دەکات.

لیستى ناوى کاندیدانى بازنەى هەولێر:



لیستى ناوى کاندیدانى بازنەى سلێمانى:

    

لیستى ناوى کاندیدانى بازنەى دهۆک:

 

لیستى ناوى کاندیدانى بازنەى کەرکوک: 

 

لیستى ناوى کاندیدانى بازنەى دیالە:

 

لیستى ناوى کاندیدانى بازنەى نەینەوا:


 

 

هاوکات یەکێتى لە پارێزگاى سەلاحەدین یەک کاندیدى هەیە و لە چوارچێوەى هاوپەیمانى (جەماوەرى نیشتمانى) دا، لە پارێزگاى بەغداش یەکێتیى نیشتمانیى کوردستان یەک کاندیدى هەیە و بەمەش یەکێتى لە هەشت پارێزگاى عیراق کاندیدى بۆ هەڵبژاردنى ئەنجومەنى نوێنەرانى عیراق هەیە، کە تاکە حزبى کوردییە لە زۆرترین پارێزگاى عیراق کاندیدى هەیە.

لیستى ناوى کاندیدانى بازنەى  سەلاحەدین:

یەکێتیى نیشتمانیى کوردستان لە بازنەى سلێمانى بە 36 کاندید و لە بازنەى هەولێر بە 30 کاندید و لە بازنەى دهۆک بە5 کاندید و لە بازنەى کەرکوک بە 24 کاندید و لە بازنەى دیالە بە 28 کاندید و لە بازنەى نەینەواش لە چوارچێوەى هاوپەیمانێتییەکدا کە لە 62 کاندید پێکهاتووە، 31 کاندیدیان کاندیدى یەکێتیى نیشتمانیى کوردستانن، بەشدارى هەڵبژاردن دەکات.

هەروەها یەکێتیى نیشتمانیى کوردستان لە بازنەى بەغدا لە چوارچێوەى  هاوپەیمانێتییەکدا  یەک کاندیدى هەیە، کە ژمارە 89یە و بە ناوى  ایات ادهم،  کە بەتێکڕا بۆ هەڵبژاردنى ئەنجومەنى نوێنەرانى عیراق بە زباتر لە 150 کاندید بەشدارى هەڵبژاردنەکە دەکات.

رۆژی 9ی4ی2025 ئەنجومەنی وەزیرانی عیراق بە زۆرینەی دەنگ، 11ی 11ی 2025ی وەك رۆژی هەڵبژاردنی داهاتووی ئەنجومەنی نوێنەرانی عیراق دیاریكرد.

PUKMEDIA