دارایی عیراق مووچەی مانگی تەمووزی بۆ هەرێم نارد

PUKMEDIA

لۆگۆی حکومەتی هەرێم و وەزارەتی دارایی و دراوی عیراقی

وەزارەتی دارایی عیراق تەمویلی مووچەی مانگی تەمووزی مووچەخۆرانی هەرێمی كوردستانی خستە سەر هەژماری وەزارەتی دارایی هەرێم.

وەزارەتی دارایی و ئابووری حكومەتی هەرێم رایگەیاند: ئەمڕۆ سێ شەممە 30ی 9ی 2025، 956 ملیار و 928 ملیۆن دینار وەك تەمویلی مووچەی مانگی تەمووزی فەرمانبەران و مووچەخۆرانی هەرێمی كوردستان خرایە سەر هەژماری بانكی وەزارەتی دارایی و ئابووری هەرێمی كوردستان لە لقی هەولێری بانكی ناوەندی عیراق.

ئەمەش لەكاتێكدایە، رۆژی پێنجشەممە 25ی9ی2025، وەزارەتی دارایی حكومەتی هەرێمی كوردستان رایگەیاند: رێكارەكانی ناردنی داهاتی نانەوتی بۆ عیراق تەواوبوون و داهاتی نانەوتی هەرێمی كوردستان بۆ مانگی تەمووزی ساڵی 2025، كە بڕەكەی 120 ملیار دینار بوو، بەشێوەی كاش خرایە سەر هەژماری بانكی وەزارەتی دارایی حكومەتی فیدراڵ لە لقی هەولێری بانكی ناوەندی عیراق.

PUKMEDIA