ترەمپ: ئەگەر ئەفغانستان بنکەی ئاسمانی باگرام نەگەڕێنێتەوە شتی خراپ روودەدات

Sky News

بنکەی ئاسمانی باگرام

دۆناڵد ترەمپ سەرۆکی ئەمریکا ڕایگەیاند، ئەگەر ئەفغانستان بنکەی ئاسمانی باگرام نەگەڕێنێتەوە بۆ ژێر دەسەڵاتی ئەمریکا، ئەوا شتی خراپ  روودەدات.

ترەمپ لە پۆستێکیدا لە پلاتفۆڕمی تروت سۆشیال رایگەیاند: "ئەگەر ئەفغانستان بنکەی ئاسمانی باگرام نەگەڕێنێتەوە بۆ ئەو لایەنەی کە دروستی کردووە کە ئەمریکایە، ئەوا شتێکی خراپ روودەدات.

سەرۆکی ئەمریکا ڕۆژی پێنجشەممە ڕایگەیاند وڵاتەکەی هەوڵی وەرگرتنەوەی بنکەی ئاسمانی باگرام دەدات، لە میانی کۆنگرەیەکی ڕۆژنامەوانی هاوبەشدا لەگەڵ کیەر ستارمەر سەرۆکوەزیرانی بەریتانیا ڕایگەیاند:"هەوڵدەدەین ئەو بنکەیە وەربگرینەوە، شوێنەکەی لە نزیک چینە و بە شوێنێکی بە ستراتیژی ناوزەندی کرد.

باگرام گەورەترین بنکەی ئاسمانیی ئەفغانستانە، لە 2001 تا 2021 بنکەی سەرەکیی هێزەکانی ئەمریکا بوو لەو وڵاتە، ترەمپ چەندین جار ڕەخنەی لە لەدەستدانی ئەو بنکەیە گرتووە، رەخنەش لە هەژموونی چین لە ئەفغانستان دەگرێت بەوپێیەی هەژموونی  بەسەر کابوڵدا زیادیکردووە.

PUKMEDIA