قوباد تاڵەبانی پرسەنامە ئاڕاستەى خانەوادەى پرۆفیسۆر مامۆستا مستەفا زەڵمی دەکات

PUKMEDIA

قوباد تاڵەبانی

 قوباد تاڵەبانی لێپرسراوی مەکتەبی سکرتارییەتی سەرۆک مام جەلال، بۆ کۆچى دوایى خاتوو ( مەعسومە عەبدولقادر ) خێزانی کۆچکردوو  پرۆفیسۆر مامۆستا مستەفا زەڵمی زانایی گەورەی ئاینی گەلی کورد پرسەنامە ئاڕاستەى خانەوادەکەى دەکات.

دەقى پرسەنامەکە:

بەڕێزان خێزان و خانەوادەی کۆچکردوو جەنابی پرۆفیسۆر مامۆستا مستەفا زەڵمی
زۆر بەداخ و پەژارەوە هەواڵی کۆچی دوای خاتوو ( مەعسومە عەبدولقادر ) خێزانی کۆچکردوو بەڕێز پرۆفیسۆر مامۆستا مستەفا زەڵمی زانایی گەورەی ئاینی گەلی کورد و دۆستی دێرین و هەرە نزیکی سەرۆک مام جەلال  ـ  م بیست .!
بۆ ئەم کۆستە پڕ لە خەمەی خانەوادە سەربەرز و تێکۆشەرەکەتان پرسە و سەرەخۆشی قوڵی خۆم ئاڕاستەی ئێوە و سەرجەم خزم و کەس و کارتان دەکەم لە دڵەوە هاوبەشی ئەم خەمە گەورەیەین .
داواکارم لە خوای میهرەبان رۆحی کۆچکردوو شادو ئارام بێت، سەبر و ئارامی زیاتریش ببەخشێت بە هەمووان .

انا للە وانا الیە راجعون 

قوباد تاڵەبانی
لێپرسراوی مەکتەبی سکرتارییەتی سەرۆک مام جەلال

PUKMEDIA