نرخی نەوت دابەزی

PUKMEDIA

دابەزینی نرخی نەوت

ئەمڕۆ15ی7ی2025، لەگەڵ کردنەوەی بازاڕەکان نرخی نەوت دابەزینی بەخۆیەوە بینی، هۆکارەکەشی بۆ مۆڵەتە 50 رۆژییەکەی سەرۆکی ئەمریکا بۆ روسیا دەگەڕێتەوە.

ئەمڕۆ نرخی بەرمیلێک نەوتی خاوی برێنت 5 سەنت دابەزی و بە 69 دۆلار و 16 سەنت مامەڵەی پێوەدەکرێت، هاوکات نرخی نەوتی خاوی ڕۆژئاوای تەکساسی ئەمریکاش 9 سەنت دابەزی و گەیشتە 66 دۆلار و 89 سەنت.

دابەزینی نرخی نەوت بۆ ئەو مۆڵەتە 50 رۆژییە دەگەڕێتەوە، کە دوێنێ سەرۆکی ئەمریکا بۆ کۆتایی هێنان بە جەنگی ئۆکراین بە روسیای دا،ئەگەر نا سزای بەسەردا دەسەپێنیت، کۆمپانیاکانیش دەیانەوێت خۆیان لە سزا چاوەڕوانکراوەکان بەدوور بگرن، ئەمە جگە لەوەی نیگەرانییەکان سەبارەت بە باجەکانی ئەمریکا و زیادکردنی بڕی بەرهەمهێنانی نەوت لەلایەن رێکخراوی ئۆپیک پڵەسەوە کاریگەری ماوە.

PUKMEDIA