پلەکانى گەرما نزم دەبێتەوە و باران بارین بەردەوام دەبێت

thoughtco

باران بارین

به‌ڕێوه‌بەرایه‌تی گشتی كه‌شناسی و بومه‌له‌رزه‌زانى، کەشى پێشبینیکراوى 48 سەعاتی داهاتووی راگەیاند و پێشبینى دەکات ئەمڕۆ و سبەى پلەکانى گەرما نزم ببێتەوە و باران ببارێت.

لە راگەیەنراوەکەدا هاتووە: ئەمڕۆ شەممە 14-03-2026،  ئاسمان بەگشتی هەوری تەواو دەبێت، باران بارین سەرەتا لە رۆژئاوای هەرێم بە نمە باران دەست پێدەکات، پاشان لە دوای نیوەڕۆدا کاریگەری دابارین زیاد دەکات و لە سەرجەم ناوچەکانی هەرێم باران دەبارێت و بەردەوامی دەبێت .
خێرایى با / لەسەرخۆ - مامناوەند ( 10 – 20 ) کم/ک.
ئاڕاستەی با / باکووری خۆرهەڵات دەبێت.
مەوداى بینین / لەنێوان ( 7 – 9) کم دەبێت.

ئاماژە بە ئەوەش دراوە: پلەکانی گەرما نزم دەبێتەوە بە (2-3) پلە بەراورد بە پلەکانی گەرمی دوێنێ .

بەرزترین پلەکانی گەرمای پێشبینیکراو بۆ ئەمرۆ:

هەولێر: 18 پلەی سیلیزی
پیرمام: 14 پلەی سیلیزی
سۆران: 15 پلەی سیلیزی
حاجی ئۆمەران: 6 پلەی سیلیزی
سلێمانی: 16 پلەی سیلیزی
چەمچەماڵ: 17پلەی سیلیزی
دهۆک: 15 پلەی سیلیزی
زاخۆ: 15 پلەی سیلیزی
هەڵەبجە : 17 پلەی سیلیزی
گەرمیان : 20 پلەی سیلیزی

سەبارەت بە سبەى یەک شەممە 15- 3- 2026 ئاماژە بە ئەوە دراوە: ئاسمان هەوری باراناوی دەبێت دابارین لەسەرخۆ و مامناوەند دەبێت، لە دوای نیوەرۆ کاریگەری زیاد دەکات، شێوازی باران بارین دەگۆڕێت بۆ بارانی بە لێزمە کە هەندێک جار هەورە تریشقە وە ئەگەر هەیە تەزرەشی لە گەڵ بێت، بەتایبەت لە کاتەکانی ئێوارە و شەودا لە ناوچەکانی ناوەڕاست و رۆژهەڵات و باکووری رۆژهەڵاتی هەرێم و گەرمیان هاوکات خێرایی با هەندێک جار چالاک دەبێت بۆ سەرووی 35کم/ک.
خێراى با / مامناوەند- چاڵاک ( 20 – 30 ) کم/ک، لە دوای نیوەرۆ لە هەندێک کات و شوێن خێرایی با چالاک دەبێت بۆ سەرووی 35کم/ک.
ئاڕاستەی با / باکووری خۆرهەڵات دەبێت.

ئەوەش خراوەتەڕوو: پلەکانی گەرما نزم دەبێتەوە بە (2 – 3 ) پلە بەراوورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر: 15 پلەی سیلیزی
پیرمام: 11 پلەی سیلیزی
سۆران: 12 پلەی سیلیزی
حاجی ئۆمەران: 4 پلەی سیلیزی
سلێمانی: 15 پلەی سیلیزی
چەمچەماڵ: 16  پلەی سیلیزی
دهۆک: 13 پلەی سیلیزی
زاخۆ: 13 پلەی سیلیزی
هەڵەبجە : 15 پلەی سیلیزی
گەرمیان : 19 پلەی سیلیزی

PUKMEDIA